Brukseli dhe Uashingtoni kanë përshëndetur menjëherë aktin e presidentit Ivanov për t’i dhënë mandatin e formimit të qeverisë së re, kreut të LSDM-së, Zoran Zaev.
Hahn e Mogherini, e kanë konsideruar këtë si një hap drejt mbylljes së krizës disamujore dhe futjen e vendit në rrugën e normalitetit.
“Ne përshëndesim vendimi e presidentit Ivanov për t’ia dhënë mandatin për formimin e qeverisë Zoran Zaevit, si një hap i rëndësishëm në procesin e formimit të Qeverisë. Ne shpresojmë se kjo frymë konstruktive do të vazhdoj të mbizotëroj me atë që vendi përfundimisht të dal nga kriza politike. Ne presim formim të shpejtë të ëeverisë e cila do të jetë e angazhuar në implementimin e të gjitha pjesëve të Marrëveshjes së Përzhinos dhe reformat urgjente prioritare. U bëjmë thirrje të gjitha partive parlamentare të lënë me një anë përçarjet e tyre dhe të punojnë së bashku në axhendën e reformave, për të rikthyer vendin në rrugën e tij të integrimeve euro-atlantkike. Kjo është ajo që duan dhe meritojnë njerëzit. Ne jemi në gatishmëri të mbështesin ëeverinë e re në përpjekjet e saj për reforma”, thuhet në reagimin e dyshes Hahn & Mogherini.
Po dhe nga tej Atlantikut, bekimet e para kanë shkuar për Ivanovin: “Është e rëndësishme të nënvizohet se Presidenti Ivanov dhe liderët e partive të koalicionit të shumicës kanë gjetur mënyrë për të bashkëpunuar në rrugë konstruktive për të arritur këtë hap të rëndësishëm për qytetarët e Maqedonisë. Ne presim të punojmë me qeverisën e re sapo ajo të formohet, ne shpresojmë që ajo do të formohet shpejtë. Shtetet e Bashkuara mbetet mik dhe partner i Maqedonisë, dhe ne presim të punojmë me qeverinë e re për të mbështetur këto reforma dhe progres”, thuhet nga ambasada amerikane në Shkup. /tesheshi.com/
