Në Ditën Ndërkombëtare të Gruas, 8 Marsit, pjesëtare të ushtrisë ukrainase dërguan një mesazh të fortë dhe të ashpër për ushtrinë ruse, duke premtuar se do të mbrojnë çdo pëllëmbë të vendit të tyre.
Në videon, ku shfaqen shtatë gra pjesëtare të këmbësorisë ukrainase, njëra prej tyre shqipton fjalët e mëposhtme:
“Ne jemi gratë e Ukrainës. Ne i kemi bekuar burrat tanë për të mbrojtur vendin tonë. Ne tashmë i kemi çuar fëmijët në siguri dhe rredhja gjenetike e kombit tonë është siguruar. Ne jemi bashkuar me burrat dhe ushtrinë ukrainase. Ne do të shkatërrojmë armikun në çdo pëllëmbë të tokës ukrainase, fshat, pyll apo fushë. Për çdo fëmijë, grua, plak, shtëpi të rrënuar, rrugë apo hambar, do t’ju qëllojmë si qen të tërbuar. Lavdi Ukrainës, vdekje armiqve!”.
https://twitter.com/i/status/1500885074807508993
Uashington Post bëri të ditur se sipas informacioneve që disponojnë, femrat përbëjnë gjithsej 15 për qind të ushtrisë ukrainase, ndërsa kjo shifër shkon deri në 17 për qind sipas disa burimeve ukrainase.
Kjo është një përqindje jashtëzakonisht e lartë, duke pasur parasysh se sipas të dhënave të NATO-s, përfaqësimi i grave në ushtri është më i lartë vetëm në Hungari, ku është 20 për qind. Është 17 për qind në Shtetet e Bashkuara dhe 16 për qind në Francë.
Gratë në ushtrinë ukrainase shkojnë në batalionet e zbulimit, të cilët përndryshe janë një nga më të rrezikshmit, sepse janë të parat që hyjnë në territorin e armikut dhe hyjnë thellë në të.
Madje, Olena Bilozerska mori statusin e legjendës në Ukrainë, sepse gjatë luftës në Donbas në vitin 2017, kur vrau 10 separatistë pro-rusë nga një distancë prej 200 metrash, të cilët po i afroheshin pozicionit të saj pasi zbuluan se ku fshihej.
Gratë ukrainase gëzojnë respekt të veçantë midis audiencës vendase dhe ndërkombëtare për guximin dhe përkushtimin e tyre. /tesheshi.com/
