Gilberto Jaçe, njeriu që drejtori Përmetin deri qershorin e vitit të kaluar, është përballur me akuzën e shpërdorimit të detyrës, pasi ka dhënë leje për ngritjen e një kioske afër shtratit të Vjosës, lumit që kalon përmes qytetit juglindor. Bëhet fjalë për një objekt në një zonë të gjelbërt, të pretenduar si pronë shtetërore, por që sipas porokurorisë ka qenë pronë private, ku poseduesi ka hedhur beton.
Gilberto Jaçe, kryebashkiak socialist, humbi përballë rivalit të djathtë zgjedhjet e kaluara lokale, një prej rezultateve më befasuese, pasi Përmeti njihet si bastion i majtë.
Përmeti është ndër qytetet më të izoluara të Shqipërisë, e që ka ruajtur konturet e dikurshme të komunizmit. Gjatë tranzicionit, lajmet më të bujshme që kanë ardhur nga ky qytet, kanë qenë ato mbi konfliktin mes Kishës dhe Bashkisë mbi pronësinë e Pallatit të Kulturës, një përplasje e përgjakshme ndodhur në `97-ën, varret e të rënëve grekë, si dhe dëmtimi i Langaricës për të ndërtuar aty një hidrocentral. /tesheshi.com/
