Ish-kryeministri britanik, Devid Cameron është fotografuar duke transportuar vetë në krah plaçkat e zyrës së tij. Veshur thjesht, ai ngjan si një njeri i rëndomtë që kryen po ashtu një punë të rëndomtë.
Katër vjet më parë, një skenë e ngjashme ishte dhe me zbrazjen e zyrës së Ramës në Bashkinë e Tiranës, ku një kamion u parkua tek dera e institucionit për të ngarkuar të gjitha mobiljet dhe orenditë e atyshme, pas lajmit që në atë zyrë me gjasë do futej Basha.
Por Rama vetë nuk preku asnjë gjë. Ishin punëtorët ata që ngarkuan e shkarkuan morrinë e plaçkave.
Sigurisht që nuk është ky një ves ekskluzivisht i Ramës, pasi e gjithë politika shqiptare vuan nga mungesa e përrunjësisë, thjeshtësisë dhe modestisë.
Vetëm me përjashtim të rasteve kur i duhet që të imitojë prej të huajve virtyte që vetë ajo nuk i ka. Tashmë duhet pritur që këtë skenë të David Cameron ta shohim të luajtur shqip nga ndonjë aktor politik i Tiranës. /tesheshi.com/
