Gilbert Poole Jr., 56 vjecc, u la i lirë pasi kaloi 32 vjet në burg i pafajshëm.
Ai e kundërshtoi verdiktin gjatë gjithë kohës, përkundër faktit se e dashura e tij në atë kohë tha që ai e pranoi tek ajo se ai ishte ai që goditi me thikë viktimën, shkruan WXYZ-TV Detroit.
Poole u akuzua për vrasjen në vitin 1988 të Robert May në Detroit, Michigan, dhe vendimi u rrëzua për shkak të provave të reja të paraqitura në 2015 – gjaku i gjetur në vendin e krimit nuk përputhej as me viktimën dhe as me Poole.
Gjykatësi tani ka hedhur poshtë vendimin, dhe disa orë më vonë të mërkurën, Poole u lirua nga Burgu i Jackson.
“Kam kaluar vite duke studiuar, lexuar, studiuar juridik, por asgjë nga ato nuk më ndihmoi në çështjen time,” i tha ai gjykatësit.
Poole u ndihmua në përpjekjet për të provuar pafajësinë e tij nga Projekti i Pafajësisë në Shkollën e Drejtësisë Cooley në Universitetin e Miçiganit.
“Sikur ta dinim atëherë atë që dimë tani, Poole nuk do të kishte kaluar kurrë tre dekada në burg për një vrasje që nuk e bëri”, tha Avokati i Shtetit Dana Nessel.
Avokati gjithashtu tha se Poole do të kishte të drejta për një sërë shërbimesh pas burgut të tilla si pagesa e qirasë për strehimin. Ajo nuk komentoi se sa para mund të merrte ai si kompensim, por sipas ligjit të Miçiganit, kushdo që lirohet pas një dënimi të gabuar ka të drejtë të marrë 50,000 dollarë në vit – që do të thotë që Poole mund të marrë 1,6 milion dollarë. /tesheshi.com/
