PD kërkon me ngulm tashmë që Pakti Detar më Greqinë në zgjidhet në Hagë. Pas një takimi të anëtarëve të komisionit të Jashtëm parlamentar te presidenti Meta, deputeti Tritan Shehu tha se zgjidhja duhet të jetë atje.
“Unë shpreha qëndrimin tonë që zgjidhja racionale e kësaj çështje, arritja e një marrëveshje të drejtë për të gjitha palët, evitimi i mungesës së transparencë është çuarja e kësaj dosje në mirëkuptim me palën greke në Gjykatën Ndërkombëtare të drejtësisë në Hagë dhe pastaj të presim verdiktin të pranueshëm për ne”, tha Shehu, duke thënë se kreu i shtetit mund të shkonte te ky qëndrim.
Por nga LSI, ky qëndrim i Shehut nuk është përkrahur, së paku për momentin.
Klajd Gjosha, anëtare e komisionit, tha se zgjidhje duhet gjendur këtu, në negociatat mes palëve. “Unë mendoj që duhet të kalojmë të gjitha etapat. Presidenti ishte i qartë në këtë takim kur tha që duhet të zbatojmë me përpikmëri vendimin e Gjykatës Kushtetuese. Nëse ne e zbatojmë atë do ta bëjë marrëveshjen me palën greke të pakontestueshme”, tha Gjosha.
Nga ana tjetër, përfaqësuesja e mazhorancës, kryetarja e komisionit Mimi Kodheli, nuk u shfaq e alarmuar sa opozita. “Ramë dakord me nevojën dhe domosdoshërinë ambsolute që kjo marrëveshje të mos dështojë”, tha Kodheli.
Opozita ka ngritur pretendimin se marrëveshja e re detare me Greqinë nuk po kalon në një proces transparent. /tesheshi.com/
