Kur nga nga ish-qeveria Berisha është nënshkruar Marrëveshja e Detit me Greqinë, dy nënshkruesit e saj, Berisha e Basha kanë patur që të dy kollaro ku ka dominuar bluja, ngjyra simbol e flamurit grek, krahas së bardhës.
Ky detaj ka mbetur nën hije, i patheksuar, ku e gjithë vëmendja e medias dhe e opinionit ka qenë më tepër e përqëndruar te përmbajtja e marrëveshjes, pra asaj çfarë është firmosur e jo detajeve, aq më pak vizive.
Ka dy koinçidenca nëse mund të quhen të tilla: fakti kollaret e tyre blu mbahen pikërisht ditën e firmosjes me palën greke, dhe tjetra që si Berisha ashtu dhe Basha e kanë me të njëjtën bazë koloristike ku dominon pra bluja.
Por a mund të jetë vërtet thjesht një rastësi?
Akte të tilla siç ka qenë firmosja e Marrëvëshjes detare, shoqërohen dhe nga detaje simbolike. Dhe kollarot zakonisht, janë bartëse mesazhesh simbolike në komunikimin diplomatik. Atë ditë, si rregull, palës shqiptare i ka takuar të përcjellë kolorin bazë kombëtar, të kuqen, pasi dhe firmat janë hedhur në emër të shtetit, flamurit.
Prej kur u firmos e deri më sot, ajo marrëveshje ka qenë gjithnjë pjesë e debatit politik, siç vijon të jetë, tashmë që në prag është nënshkrimi i një marrëveshjeje të re me Athinën. Berisha e Bakojanis, janë dy zëra që e kanë mbrojtur fort atë marrëveshje këto kohë; por si në Tiranë e si në Athinë, realitetet tashmë janë krejt të tjera.
Po Rama e Bushati? Për hir të së vërtetës, në disa takime Rama – Tcipras e Bushati – Kotzias, ka patur raste ku dhe krerët shqiptarë kanë patur kollaro blu, krahas asaj të kuqe apo rozë. Por bëhet fjalë për takime dhe jo akte historike hedhje firmash në marrëveshje historike. Aty duhet të jetë e kuqja që të rrezatojë….te pala shqiptare. /tesheshi.com/
