Në trupin e Ramës ka ndërhyrë dhe një kirurg demokrat.
Ky fakt është theksuar në Podcastin e rradhës së kryeministrit, i cili ka ftuar dhe ekipin e mjekëve që i hoqën apendisitin në QSUT.
Dhe ndër kryesorët prej tyre ishte Arben Beqiri, ish-ministër në qeverinë PS-PD pas marrëveshjes së 17 majit 2017-të mes Ramës dhe Bashës, madje ndër më kritikët e qasjes qeveritare ndaj sistemit shëndetësor, duke kontestuar dhe “instrumentat e reja” e spitalore.
Përballë kryeministrit-pacient në Podcast, ai ka thënë:
“Fakti që ju zgjodhët sistemin publik shqiptar, ndër të tjera zgjodhët kirurgë që përfaqësonin një forcë tjetër politike, tregon se në fakt kjo është një formë e emancipimit ose rritjes së besimit”.
“Isha shtrirë kur profesor Gjata erdhi dhe tha kemi me vete edhe një ish-ministër shëndetësie”, tha Rama. /tesheshi.com/
