Protestat mbi vdekjen e George Floyd gjatë një arrestimi brutal policor kanë vazhduar për 12 ditë në Shtetet e Bashkuara.
Dhe ndërsa imazhet e përleshjeve dhe trazirave shpesh mund të shihen në protesta, një foto e një oficeri policie dërgoi një mesazh të ndryshëm.
Pranë Shtëpisë së Bardhë, një oficer policie me origjinë afrikano-amerikane përdori një detaj për të bërë të qartë qëndrimin e tij.
A ka një maskë mbrojtëse për fytyrën ku shkruhet “Unë nuk mund të marr frymë”. Këto janë fjalët e fundit të Floydit të vrarë brutalisht, pasi polici i vendosi gjurin në qafë duke e mbajtur të mbërthyer për afro 8 minuta.
Këto fjalë janë bërë një parullë e shpeshtë në protesta, duke luajtur rolin e një kredoje denoncuese e udhëheqëse.
Vdekja e Floyd ndezi një valë protestash kundër brutalitetit të policisë dhe diskriminimit racor, i cili u përshkallëzua në dhunë në shumë qytete amerikane.
Në 34 shtete federale, më shumë se 43.300 anëtarë të Gardës Kombëtare janë ngazhuar në protesta.
Përveç në SHBA, njerëzit në mbarë botën kanë ngritur zërin e tyre kundër shtypjes me sfond racist.
Në disa fraste, lëvizjet e shumë oficerëve të policisë në ditët e kaluara kanë treguar se ata janë në të njëjtën anë me njerëzit. /tesheshi.com/
