Udhëheqësi i ISIS-it Abu Bakr Al-Baghdadi u tradhtua nga një anëtar i rrethit të tij të brendshëm i cili ndihmo të çonte trupat amerikane në kompleksin e tij në Sirinë Veriore.
Komandanti i Forcave Demokratike Siriane të udhëhequra nga kurdët, gjeneral Mazloum Abdi, i dha NBC NEWS një përshkrim të detajuar se një spiun brenda ISIS-it për muaj të tërë e ndiqte Bagdadin teksa lëvizte nga një anë në një tjetër, derisa u bllokua përfundimisht në një tuneli nën njërën prej tyre.
Abdi nuk e identifikoi spiunin, por e përshkroi atë si një arab që kishte shumë të afërm në ISIS.
Abdi tha se motivimi kryesor i informatorit ishte hakmarrja. “Unë mendoj se ai ishte nën presion të madh nga familja e tij,” tha gjenerali. “Të afërmit e tij iu nënshtruan një trajtimi të ashpër nga ISIS dhe ai nuk besonte më në të ardhmen e ISIS. Ai dëshironte të hakmerrej ndaj tyre dhe vetë Bagdadit”.
Spiuni ishte në një pozicion unik dhe jashtëzakonisht të rrallë për të ekzekutuar hakmarrjen e tij.
“Ai ishte një zyrtar i sigurisë”, tha gjenerali. “Një zyrtar i sigurisë personale për vetë Baghdadin, përgjegjës për lëvizjet e tij.”
Një pjesë e punës së informatorit ishte sigurimi i vendeve ku do të fshihej koka e organizatës famëkeqe. Ky spiun mësoi përmendësh vendndodhjet e tij dhe madje vodhi mostra të gjakut dhe veshjeve të tij për analiza të ADN-së. /tesheshi.com/
