Jared Kushner ka zbuluar “formatin” e ri të planit të paqes së SHBA-ve për Lindjen e Mesme, ku ka treguar se do të tërhiqet nga “zgjidhjeje me dy shtete” dhe do të pranojë Jerusalemin si kryeqytetin e Izraelit.
Kushner, dhëndri dhe këshilltari i lartë i presidentit Donald Trump, pritet të paraqesë një marrëveshje të shumëpritur në emër të administratës amerikane, e cila është e lidhur ngushtë me qeverinë izraelite.
Duke u zotuar të ofroj një “qasje të re”, Kushner dha treguesin më të rrezikshëm të administratës, atë se plani nuk do të propozojë dy shtete për izraelitët dhe palestinezët.
“Nëse ju thoni ‘dy shtete’, kjo do të thotë tjetër gjë për izraelitët, e tjetër gjë për palestinezët”, tha Kushner në Institutin e Uashingtonit për Politikat e Lindjes së Afërt.
Kushner nuk pranoi të jepte detaje tjera rreth planit para se ai të paraqitej, por, i pyetur nëse ky plan do të mbulonte statusin përfundimtar midis izraelitëve dhe palestinezëve, ai tha: “Po, saktë, do ta bëj”.
Ai po përpiqet të bindë “akademikët, kongresistët, ish-negociatorët e Lindjes së Mesme, lojtarët rajonalë, grupet e interesit dhe spoilerët potencialë” që të jenë mendje hapur dhe të marrin seriozisht planin kur të publikohet, gjë që nuk do të bëhet para se të përfundojë muaji i shenjtë i Ramazanit.
Ai tha se plani përpiqet të ofroj siguri për Izraelin dhe “mundësi ekonomike” për të përmirësuar jetën e palestinezëve.
Kushner tha se ekipi i tij “u kishte folur biznesmenëve dhe banorëve të zakonshëm palestinezë” dhe besonte se plani i paqes do të ishte “shumë i pranueshëm për ta”.
Udhëheqja palestineze tashmë ka thënë se nuk pranon ndërmjetësimin nga Trump, teksa konsiderojnë këtë të fundit si “të flaktë për Izraelin”.
Kushner po ashtu pretendon se ka arritur deri te arabët e Gjirit të pasur me naftë, në përpjekje për të krijuar stimulues ekonomikë për palestinezët e okupuar.
Trump e mbylli misionin diplomatik të palestinezëve në Uashington, duke thënë se palestinezët “refuzuan të angazhoheshin në bisedimet e paqes me Izraelin”.
SHBA gjithashtu ka ndaluar financimin e agjencisë së Kombeve të Bashkuara që ndihmon refugjatët palestinezë, duke shkurtuar fondet milionëshe që u dilnin në ndihmë projekteve në Bregun Perëndimor dhe Rripin e Gazës. Pjesa më e rëndë është shkurtimi i fondeve për spitalet në Jerusalem që u shërbejnë edhe palestinezëve. /tesheshi.com/
