Në betejën e Metës me mazhorancën, kreu i shtetit konsideron si ilegjitime dy institucione: parlamentin dhe 30 qershorin. Të kuptohemi, ilegjitime e jo të paligjshme, ku në fakt veçon 30 qershori pasi me çdekretimin që i bëri, një akt tejet i debatueshëm kushtetueshmërisht, ai i konsideron dhe si të paligjshme.
Por vetë Meta a është legjitim?
Në fillim të sqarojmë se ç’është e paligjshme ç’është ilegjitime, pasi janë dy nocione që kanë kuptim jo të njëjtë, paçka ngjashmërive.
E pari është nocion me konotacion thellësisht dhe pastërtisht juridik, i dyti është me konotacion moral.
Precedenti: Viti 2007. Fatos Lubonja votohet vetëm me votat e mazhorancës në parlament si Drejtues i Këshillit Kombëtar të RadioTelevizionit. Nuk e pranon duke thënë: Jam i ligjshëm por jegjitim. Do të doja të isha dhe legjitim duke patur dhe vota nga opozita. Nuk i kam dhe zgjedh standartin e legjitimes përballë së ligjshmes. E refuzoj!
Edhe Meta, është i ligjshëm në detyrën e presidentit, por jo legjitim.
E para për shkak të konfliktit të interesit. Gruaja e tij është një figurë kryesore e lidershipit opozitar, promotore aksionit politik që ka çuar vendin në krizë.
E, gjersa Meta nuk po qëndron thjesht në pozita apeluese si kreu i shtetit, por po shndërrohet dhe në vendimarrës politik, si burrë i znj. Kryemadhi deligjitimohet në inisiativat e tij, të cilat siç janë parë, çojnë ujë në mullirin e opozitës.
E dyta vjen nga fakti se ai e ka humbur totalisht mbështetjen nga krahu politik që e ka zgjedhur president. PS, e cila vetëm me votat e saj e çoi në krye të drejtimit të shtetit, jo vetëm nuk e mbështet por dhe bëhet gati ta shkarkojë.
Për anbalogji, nëse një mazhorancë qeverisëse humbet shumicën në parlament nga ndonjë mocion mosbesimi, apo nga ndonjë palë zgjedhje jo të drejtpëdrejta – lokale apo referendare, ose siç qeveria Tcipras me zgjedhjet për në PE – ajo shkon direkt në zgjedhje të parakohshme. Presidenti nuk mund ta bëjë këtë, pasi është aty me votë parlamentare, por gjersa e ka humbur atë duhet të japë menjëherë dorëheqjen.
Betejën e tij mund ta vijojë më pas si konkurrent politik klasik. Pra, akti më me sens i Metës në gjithë nonsenset e tij të këtyre javëve, është që të zhvendoset në një përballje me qeverinë në kushtet e një udhëheqësi opozite, duke u vetëlarguar nga Presidenca. Ai nuk mund të qëndrojë aty me votat e një mazhorancE me të cilën është në përplasje të hapur politike.
Gjersa promovon arsyen në politikë, ajo e fton më së pari që të largohet nga Presidenca. Thjesht sepse ka një ilegjimitet të ububushëm. /tesheshi.com/
