Mark Meadows, ish-shefi i kabinetit të Donald Trump, i dorëzoi komisionit përgjegjës për hetimin e sulmit të janarit në Capitol Hill provat e një plani për të rikthyer Trumpin në pushtet.
Komisioni kompetent hetimor beson se ka një lidhje mes administratës Trump dhe organizatorëve të sulmit në Capitol më 6 janar, raporton The Guardian.
Fakti që Meadows zotëronte një dokument PawerPoint një ditë përpara sulmit në Capitol Hill, që përshkruante grushtin e shtetit, sugjeron se ai ishte në dijeni të përpjekjeve të Trump dhe aleatëve të tij për të ndalur shpalljen e presidentit të ri të Shteteve të Bashkuara.
Prezantimi ka 38 faqe dhe titullohet “Mashtrimi në zgjedhje, ndërhyrje dhe opsione për 6 janarin”.
Rekomandime për Trump
Ai ofron disa rekomandime që Trump të mbajë presidencën dhe të fillojë një mandat të dytë, duke u mbështetur në gënjeshtra dhe teori të shumta konspirative.
Senatorët dhe anëtarët e Kongresit fillimisht duhet të informohen për ndërhyrjen e pretenduar të të huajve në zgjedhje, pas së cilës Trump mund të vendosë një gjendje të jashtëzakonshme në nivel kombëtar, të shpallë votat elektronike të pavlefshme dhe t’i kërkojë Kongresit një vendim adekuat.
Një nga opsionet për mbajtjen e pushtetit ishte që zëvendëspresidenti i atëhershëm Mike Pence abuzoi me rolin e tij ceremonial në një seancë të përbashkët të Kongresit më 6 janar, duke penguar që Biden të shpallej presidenti i ri dhe kështu të kthehej Trump në Shtëpinë e Bardhë.
Rekomandimet në prezantim bazohen në akuza të fabrikuara dhe të pabazuara për mashtrime zgjedhore, duke përfshirë se “kinezët kanë marrë sistematikisht kontrollin e sistemit zgjedhor amerikan”. /tesheshi.com/
