Pesë terroristë u vranë nga policia në orët e para të mëngjesit të ditës së sotme, pasi tentuan të bënin një sulm të dytë në një plazh pranë Barcelonës.
Ngjarja ndodhi pak orë pas sulmit mizor në qytetin spanjoll të Barcelonës, ku mbetën të vrarë 13 persona dhe të u plagosën shumë të tjerë.
Shtatë qytetar duke përfshirë një polic u plagosën në sulmin e fundit në Cambrils, 70 milje në jug-perëndim të Barcelonës, pak përpara se forcat e sigurisë të vrisnin 5 terroristët.
Dëshmitarët nga ngjarja tregojnë se terroristët mbanin të veshur rripa me eksplozivë dhe ishin të shpërndarë nëpër bregdet. Kalimtarët u fshehën në zonën e plazhit kur nisën të shtënat e armëve, rreth orës 01:00.
Sulmi i dytë u zbulua tetë orë pasi një furgon me shpejtësi sulmoi turmën e njerëzve në shëtitoren e njohur Las Ramblas në Barcelonë.
Shoferi i furgonit u arratis dhe është e paqartë, nëse ai u përfshi në sulmin në Cambrils.
Policia tha se celula e terrorit e kishte bazën në qytetin turistik Alcanar, 120 milje në jug të Barcelonës, ku një shtëpi, që mendohet se përdorej si një fabrikë bombash, u shkatërrua nga një shpërthim të mërkurën. /tesheshi.com/
