Një nga më të mirët e NBA, basketbollisti Kobe Bryant, u vra të dielën në një përplasje me helikopter pranë Los Angeles, së bashku me vajzën e tij 13-vjeçare Gianna dhe shtatë pasagjerë, thanë zyrtarët.
Helikopteri u rrëzua rreth orës 10 të mëngjesit në orën lokale mbi terrenin kodrinor në Calabasas, California, rreth 65 milje në veri-perëndim të Los Anxheles.
“Nuk kishte të mbijetuar. Kemi konfirmim se kishte nëntë persona në helikopter, një pilot dhe tetë pasagjerë”, tha Sherifi i Qarkut në Los Angeles, Aleks Villanueva, për një konferencë për shtyp. Por ai nuk pranoi të publikojë emrat e tjerë të viktimave.
I pyetur nga reporterët nëse ai besonte se kishte nëntë trupa në vendin e ngjarjes, pasi vetëm pesë të vdekur u identifikuan në raportet e mëparshme, Villanueva tha: “Ne besojmë se, po”.
Komisioneri i NBA, Adam Silver ka konfirmuar se Bryant dhe vajza e tij Gianna janë në mesin e të vdekurve.
NBC News raportoi se mes viktimave është dhe shoku i Bryan, John Altobelli, si dhe vajza e këtij të fundit. John Altobelli ishte një trajner basketbolli. Mes të vdekurve, sipas TMZ, është edhe Christina Mauser, gjithashtu një trajnere basketbolli. Për të vrarët tjerët nuk dihet se kush janë.
Edhe pse shkaku i rrëzimit të helikopterit nuk dihet, arsyeja mund të jetë moti i rënduar.
Meteorologu i CNN, Michael Guy tha se kishte shikim shumë të dobët në kohën kur u rrëzua helikopteri. Kishte shumë mjegull.
“Lagështia ishte 100 përqind, që do të thotë se ajri ishte si supë”, tha ai. /tesheshi.com/
