Jeremy Corbyn kurrë nuk shihej si aspirant i liderit të Laburistëve. Me një prapavijë prej veterani, Corbyn ishte një i huaj që i erdhi radha kur Ed Miliband dha dorëheqje pas zgjedhjeve të majit 2015.
Tre muaj më vonë, Corbyn mundi rivalin Andy Burnham me epërsi prej 60% të votave pas një fushate të ashpër në mesin e anëtarëve të partisë.
“Corbyn nuk ishte kurrë një politikan në karrierë. Ai ishte shumë i padurueshëm – dhe shumë i majtë – për t’u konsideruar udhëheqësi i duhur”, thotë Richard Seymour, autori librit “Corbyn: Rilindja e çuditshme e politikës radikale”.
Libri thotë se më shumë se gjithë të tjerët, ishte Corbyn ai që habitej nga rezultati.
Por kjo mbështetje nga të rinjtë, sindikatat dhe një grup figurash kulturore dhe të famshmish, erdhi përkrah një fushate gati të pamëshirshme kundër udhëheqjes së tij nga Partia e Punës.
Në vitin 2016, mbështetja e tij “pak entuziaste” për fushatën “Qëndro” u fajësua për rezultatin e referendumit të Brexit.
Disa ditë pas rezultatit, madje edhe Kryeministri David Cameron – i cili tashmë kishte dhënë dorëheqje pas referendumit – e përqeshi Corbyn në Dhomën e Komunave. Duke dalë nga foltorja, ai i tha Corbynit: “Lëre për atë Zot!”
Megjithatë, vetëm një vit më vonë, Corbyn pati një rezultat të jashtëzakonshëm në zgjedhjet e parakohshme të përgjithshme, duke fituar 30 vende, duke ngatërruar sondazhet dhe duke fshirë shumicën e Theresa May nga parlamenti.
Papritur, arritja e Corbyn në 10 Downing Street nuk dukej aspak qesharake.
Është e vërtetë që Corbyn nuk ka gjasa të përballet me një sfidë udhëheqjeje nga radhët e Laburistëve, duke pasur parasysh se sa me lehtësi e mundi Owen Smith në vitin 2016.
Corbyn, ndërkohë, ka argumentuar se ai është personi i vetëm i aftë për të udhëhequr Britaninë e Madhe nga kaosi aktual i Brexit.
Të martën, ai u takua me liderët e pesë partive opozitare në Mbretërinë e Bashkuar për të diskutuar legjislacionin që do të parandalonte Boris Johnson të largohej nga Mbretëria e Bashkuar pa marrëveshje.
Qeveria prej kujdestari
Para takimit me partitë opozitare, Corbyn deklaroi se ka vullnet të përbashkët për votimin e mocionit të mosbesimit kur parlamenti të kthehet në shtator. Propozimi i tij ishte që ai të drejtojë një qeveri “kujdestare” për të drejtuar Britaninë përmes negociatave për largimin nga BE, duke i hapur rrugën qoftë një marrëveshjeje të favorshme, qoftë një referendumi të dytë.
Duke folur dje, Corbyn tha se ishte i hapur për të gjitha opsionet, vetëm për të parandaluar daljen pa marrëveshje.
Pavarësisht angazhimit të tij të ri për një referendum të dytë, Corbyn ishte një euroskeptik përpara se të merrte udhëheqjen e Partisë së Punës. Kritikët e tij pohojnë se ai është akoma i tillë. /tesheshi.com/
