Presidenti turk Rexhep Tajip Erdogan ka thënë se ai ia ktheu letrën homologut të tij amerikan që kërcënoi Ankaranë për operacionin antiterror në Sirinë verilindore dhe ia bëri të qartë se kush ishte udhëheqësi i militantëve të armatosur të PKK-së, nga i cili SHBA-të pajiseshin me informacione inteligjence.
“Unë ia ktheva letrën Z. President dhe veçanërisht ndjeva keqardhje që një president amerikan iu referohej një terroristi të quajtur Ferhat Abdi Shahin”, tha Erdogan në sy të Trump, gjatë takimit të tyre në Uashington.
Shahin, i njohur me emrin e koduar Mazloum Kobani, është drejtues i Njësive të Mbrojtjes Popullore (YPG), krah i organizatës terroriste PKK. Trump në mënyrë të përsëritur lavdëroi liderin terrorist dhe tha se mezi pret ta takojë.
Erdogan ka thënë se Shahin ka shkaktuar vdekjen e qindra njerëzve turq dhe është i biri i Abdullah Öcalan, udhëheqësi i burgosur i organizatës terroriste PKK.
“Na trishton mikpritja që i bëhet një personi që njihet botërisht për keq. Po kështu, ky person është i mirëpritur nga Rusia. Është e vështirë ta kuptosh këtë brenda fushëveprimit të luftës kundër terrorizmit në të gjithë botën”, tha Erdogan.
Para se të tensionohej situata, lideri turk i dorëzoi Trump-it disa dokumente të CIA-s, të cilat provonon se Shahin është një terrorist.
Letra që Trump i dërgoi Erdoganit në 9 tetor kërcënonte Turqinë me shkatërrim ekonomik nëse Ankaraja vazhdon operacionin e saj në veri-lindje të Sirisë. Ajo gjithashtu u kritikua si e pasjellshme dhe jo diplomatike. Erdogan, madje kishte thënë se atë letër e hodhi në kosh plehrash. /tesheshi.com/
