Ka nisur me debate të forta mbledhja e Komisionit Hetimor për CEZ dhe mund ta cilësojmë edhe si një mbledhje e dështuar me sukses, pasi gjuha e komunikimit mes ish-Kryeministrit Sali Berisha dhe deputetit Taulant Balla, kryetar i komisionit, ka degraduar rëndë.
Berisha ka qenë i pari ai që ka akuzuar Ballën se është i dënuar dhe se nuk ka paguar gjobën, por i menjëhershëm ka qenë reagimi i Ballës, i cili edhe është betuar se ka thënë të vërtetën që s’ka asnjë gjobë pa paguar, duke shtuar se Berisha gënjen në atë që thotë.
Berisha vetë ka vendosur të largohet pasi ka sharë e ofenduar mirë e mirë Taulant Ballën. “Unë vij për respekt të komisionit, ti je ordiner”, – i ka thënë ndër të tjera Berisha kreut të këtij komisioni.
“Teatrin në këtë komision nuk e bën dot. Ti je shpifës ordiner. Ke frikë për të deponuar për çështjet për të cilat je thirrur dëshmitar. Komisioni qartëson lidhjet e dëshmitarit me aferën 414 mln euro. Ende nuk jeni në kushte për të marrë fjalën për aq kohë sa si dëshmitar nuk bëni betimin. Bëni betimin që të flisni. Pa e bërë betimin nuk mund të flisni. Fjalën e jap unë se unë drejtoj”, – ka thënë ndër të tjera Taulant Balla/tesheshi.com/.
