Kryesia e Kuvendit të Kosovës ka mbajtur mbledhjen e parë për këtë vit por edhe pas dy orësh në mbledhje nuk arriti ta caktojë datën e seancës së parë parlamentare pranverore.
Kryekuvendari Kadri Veseli pas mbledhjes ka thënë se nuk është caktuar data e seancës së ardhshme pasi një pjesë e madhe e deputetëve janë jashtë vendit në udhëtime zyrtare.
Ai ka hedh poshtë mundësinë që seanca s’është caktuar për shkak të krizës politike, derisa ka shtuar se për një gjë të tillë do të vendoset pas konsultimeve me qeverinë dhe kjo, sipas tij, do të ndodhë në fillim të shkurtit. /tesheshi.com/
