Një gjykatës federal në Florida ka hedhur poshtë padinë e Donald Trump për shpifje prej 475 milionë dollarësh kundër CNN.
Trump sulmoi CNN për përdorimin e frazës “Gënjeshtra e madhe” për t’iu referuar pretendimeve të tij se Joe Biden vodhi fitoren e tij presidenciale të vitit 2020. Ai pretendoi se kanali po përpiqej ta “njolloste” atë duke e krahasuar me Adolf Hitlerin dhe nazizmin.
Mbrëmjen e së premtes, gjyqtari Raag Singhal, i cili u emërua në detyrë nga vetë Trump, hodhi poshtë padinë, duke vendosur se deklaratat e CNN nuk ishin shpifëse sepse shprehnin këndvështrimin e kanalit.
“Përdorimi i shprehjes “Gënjeshtra e madhe” nga Trump për të kundërshtuar rezultatin e zgjedhjeve nuk çon në përfundimin se Trump po mbron gjenocidin e hebrenjve apo ndonjë grupi tjetër njerëzish. Gjykata i konsideron referencat naziste në diskursin politik (nga cilado anë) si të neveritshme dhe të papranueshme. Por retorika e keqe nuk përbën shpifje kur në fakt nuk përmban deklarata të rreme”, arsyetoi gjyqtari.
Sipas Trump, “Gënjeshtra e madhe” është një referencë e drejtpërdrejtë e taktikave të përdorura nga Adolf Hitleri dhe kjo frazë është përfshirë në librin “My Struggle”.
Gjatë mandatit të tij, ish-presidenti republikan mbajti marrëdhënie të tensionuara me mediat kryesore si CNN dhe New York Times, lajmet të cilave ai i quante në mënyrë rutinore “fake news”. /tesheshi.com/
