Udhëheqësi i opozitës venezueliane Juan Guaido tha të martën se ai e udhëzoi të dërguarin e tij politik në Uashington që menjëherë të vendoste marrëdhëniet me ushtrinë amerikane.
Ai tha se i kërkoi ambasadorit të tij Carlos Vecchio që të hapte një “komunikim të drejtpërdrejtë” me ushtrinë amerikane me qëllim të koordinimit të mundshëm.
Guaido, të cilin SHBA e mbështet, po bën fushatë për të përmbysur presidentin Maduro.
Regimi i tij vjen pas reagimit të ashpër të Maduros pas një tentative të dështuar për grusht shteti.
Kështu, zëvendëskryetari i Kuvendit Kombëtar, Edgar Zambrano, u arrestua.
Guaido është kryetari i Asamblesë Kombëtare ku opozita është në shumicë. Deputetë të tjerë gjithashtu kërkuan strehim në ambasadat e huaja të frikësuar se presidenti do të vepronte pas grushtit ushtarak të dështuar të udhëhequr nga Guaido.
Ai tha se “të gjitha opsionet ishin të hapura” për përmbysjen e Maduros
Një grup i vogël njerëzish doli sërish në rrugët e Venezuelës për të treguar mbështetje për Asamblenë Kombëtare të udhëhequr nga opozita dhe nën presionin në rritje të qeverisë së presidentit Maduro.
Megjithatë, një numër dukshëm më i vogël njerëzish tregojnë se ka një frikë në rritje dhe se morali ka rënë midis mbështetësve të Guaidos pas grushtit të dështuar që ai udhëhoqi më 30 prill. Në muajt e parë, Guaido mblodhi mijëra protestues.
“Ne jetojmë në një diktaturë, nuk kemi mundësi të qëndrojmë në shtëpi dhe të presim, por ne duhet të vazhdojmë të kërkojmë të drejtat tona në rrugë”, tha Guaido. /tesheshi.com/
