Kontingjentet e fundit të forcave ushtarake amerikane dhe të NATO-s u larguan nga baza Bagram në Afganistan, e cila ka qenë epiqendra e luftës kundër talibanëve dhe Al Kaidës për 20 vitet e fundit. Kjo tërheqje është gjithashtu një sinjal i qartë i largimit përfundimtar të trupave të huaja nga Afganistani. Presidenti Joe Biden njoftoi se ushtria amerikane do të tërhiqet nga Afganistani deri më 11 shtator.
Vlerësohet se ka akoma midis 2,500 dhe 3,500 trupa amerikane në Afganistan. Ata do të largohen nga vendi, së bashku me 7,000 trupa të tjerë të NATO-s. Një nga kontigjentet e mbetura ushtarake është mbrojtja e Aeroportit Ndërkombëtar të Kabulit.
https://twitter.com/i/status/1411544947161845760
Njëkohësisht me tërheqjen e trupave amerikane dhe të NATO-s, talibanët po kryejnë një ofensivë të gjerë në të cilën ata tashmë kanë marrë kontrollin në 45 rrethe dhe aktualisht kontrollojnë më shumë se 13 rajone të këtij vendi. Sipas KB, talibanët kontrollojnë midis 50 dhe 70 përqind të Afganistanit. Përplasjet midis forcave afgane dhe talibanëve vazhdojnë në të paktën 190 rrethe.
Talibanët e kanë përqendruar pjesën më të madhe të vëmendjes në Afganistanin verior, ku ata duan të parandalojnë krijimin e forcave të forta të opozitës. Dihet që udhëheqësit e luftës nga veriu i Afganistanit ishin aleatët kryesorë të ushtrisë amerikane gjatë sulmit ndaj talibanëve në 2001.
Gjithashtu, talibanët po përparojnë në provincën jugore të Kandaharit, si dhe në provincën juglindore të Ghaznit.
https://twitter.com/i/status/1410903681898205186
Në të gjitha provincat e pushtuara, talibanët kapën sasi të mëdha armësh dhe automjete të shumta luftarake.
Ata thonë se të gjitha trupat e huaja që qëndrojnë në Afganistan pas tërheqjes së NATO-s në shtator, do të konsiderohen pushtuese.
Zëdhënësi i talibanëve Suhail Shahin tha se politika e lëvizjes nuk ishte marrja e Kabulit me forcë ushtarake, por që çdo trupë e huaj, përfshirë të huajt që punojnë për ushtrinë qeveritare, nuk duhet të qëndrojnë në kryeqytetin afgan sapo të nisë tërheqja.
“Nëse ata nuk tërheqin të gjitha forcat, gjë që është në kundërshtim me marrëveshjen e Doha-s, udhëheqja jonë do të vendosë se si të reagojë,” tha Shahin, pas raporteve që 1.000 trupa amerikane mund të qëndronin për të mbrojtur misionet diplomatike dhe Aeroportin Ndërkombëtar të Kabulit. /tesheshi.com/
