Ndërsa partitë shqiptare nuk po merren vesh për konstituimin e Kuvendit dhe për vazhduar më tej me formimin e Qeverisë, Lista Serbe ka dhënë një arsyetim qesharak për mungesën në sallën e Parlamentit.
“Lista Serbe si parti me përgjegjësi politike dje tregoi se nuk do të pengojnë formimin e institucioneve për zgjidhjen e problemeve të qytetarëve. Me mungesën e sotme tonën i japim hapësirë partive shqiptare për të siguruar numrin e mjaftueshëm të votave për të vazhduar punën e Parlamentit.
Lista Serbe është e gatshme për t’u angazhuar në punën e institucioneve që luftojnë për një jetë më të mirë të qytetarëve. Në këtë drejtim ne besojmë fuqishëm se të gjithë, në ditët e ardhshme do të veprojnë me përgjegjësi dhe në përputhje me këtë proces, por edhe për qytetarët”, thuhet në deklaratën e kësaj partie. /tesheshi.com/
