Kryeministri Rama doli para mediave për të dhënë konsideratat e tij në lidhje me mos’hapjen e negociatave. Për shefin e qeverisë shqiptare, gjithçka ndodhi për shkak të një qasjeje që nuk ka aspak lidhje me detyrat e Shqipërisë.
“Liderët e BE-së, që nga Presidenti i Këshillit, i Komisionit, Komisioneri për Zgjerimin, e thanë qartë që kjo që ndodhi është mosarritje konsensusi me vendet anëtare për arsyet e tyre. Është e tëpërt kur i shtohen bishta kësaj që është thelbësore: jo po azilantët, jo po kjo, jo ajo, këto janë bishta. Në këtë situatë, cilido nga vendet që janë sot në BE dhe të priste mbrëmë konsensus, nuk do kishte marrë dot”, tha Rama.
Ai që mjaft kritik ndaj kësaj vendimmarjeje me protagoniste Francën, ku sipas tij diçka çalon te vendet skeptike.
“Edhe kryeministres daneze i thashë: keni ju ndonjë zyrë në vendet tuaja që merret gjithë javës pa pushim dhe që i di gjërat në Shqipëri dhe që i ndjek proceset sikur bën zyra e BE-së këtu? Nuk e keni. Atëherë si i dilka që ky komision që e paguani ju dhe jo Shqipëria, nuk i ditka të gjitha?”, theksoi Rama.
Ndër tezat e tij mbrojtëse ishte dhe Maqedonia.
“Maqedonia e Veriut ka 14 vjet që pret të çelë negociatat, që nga këshilli në këshill merr sinjale pozitive dhe nuk merr asnjëherë Po-në. E detyruan të ndërrojë emrin, duke i premtuar që u bë kjo u zgjidh”, theksoi i pari i qeverisë. /tesheshi.com/
