Kreu i diplomacisë kosovare Behgjet Pacolli, e ka përjetuar keq mosanëtarësimin në Interpol.
“Sot nuk ka fitues, nuk ka fituar as Kosova por as Serbia. Fitues i sotëm është e keqja. Më vjen keq që pavarësisht punës që kemi bërë kjo sot nuk u shpërblye”, ka qenë deklarata e parë e Pacollit, njeriut që shfaqte bindjen se procesi do kishte sukses.
Dhe siç një trajner futbolli që ka humbur thellë, si fjala vjen Panuçi, Pacolli nuk dhënë shenja dorëheqjeje por ka ftuar për të mos u dorëzuar.
“Nuk bënë të dekurajohemi, kërkoj unitet nga spektri politik në Kosovë. Duhet të bëhemi edhe më të fortë dhe të ecim përpara. Mund të ju them se nuk kemi lënë asgjë pa bërë, kemi punuar por në fund e pat se nuk arritëm t’i sigurojmë dhe ato 12 vota për t’i siguruar Kosovës anëtarësimin”, tha Pacolli.
Në fund, ai e ka pranuar se lobimi i Serbisë ishte triumfues.
“Serbia bëri një luftë të pamëshirshme me të gjitha mjetet në disponim”, theksoi njeriu në krye të diplomacisë së Prishtinës. /tesheshi.com/
