Dështimi i të martës në BE në dialogun Prishtinë-Beograd

Negociatorët kryesorë të Beogradit dhe Prishtinës nuk u takuan të martën në Bruksel, pavarësisht përpjekjeve të palës evropiane për të organizuar një takim të përbashkët.

Siç raportoi sot Radio Evropa e Lirë, nga ai takim varej nëse ndërmjetësit evropianë do të organizonin një takim mes kryeministrit të Kosovës Albin Kurti dhe presidentit serb Aleksandar Vuçiç.

Drejtuesit u takuan vetëm dy herë vitin e kaluar, gjatë verës.

Negociatorët Petar Petkoviç dhe Besnik Bislimi u takuan veçmas të martën në një numër rastesh me Përfaqësuesin Special të BE për Dialogun, Miroslav Lajçak.

Pavarësisht përpjekjeve, Lajçak nuk arriti t’i bashkojë të dyja palët në një tryezë të përbashkët.

Një takim i përbashkët u njoftua disa herë të martën, por negociatorët u kthyen në selinë e BE-së vetëm për konsultime me palën evropiane.

Kjo nuk është hera e parë që Petkoviç dhe Bislimi janë në Bruksel për dialog, por jo për takim. Ata u takuan për herë të fundit më 8 shtator të vitit të kaluar.

Petkoviç u tha gazetarëve të martën mbrëma, pas konsultimeve me Lajçak, se delegacioni serb kishte kaluar dhjetë orë në ndërtesën e BE-së.

Ai ka konfirmuar se ka folur vetëm me Lajçakun, pasi siç ka thënë, Bislimi ka refuzuar të bisedojë me palën serbe. /tesheshi.com/