Dështimi i referendumit në Maqedoni, ku pjesa më e madhe votuesve e bojkotoi, përkundër thirrjeve të forta të bashkësisë ndërkombëtare, ka bërë që presidenti Vuçiç të marrë zemër e të bëjë komente kritike ndaj Perëndimit. Dhe këtë e ka bërë nga Moska, atje ku besohet se ka patur fërkim duarsh nga ajo që ndodhi të dielën në Maqedoni
Vuçiç tha se ai priste më shumë të kuptuarit e botës për rezultatin e referendumit dhe kërkoi që Bashkimi Evropian dhe NATO-ja të tregojnë më shumë respekt për ato që i quajti “kombe të vogla”, dhe që të përpiqet për të kuptuar se çfarë po ndodh.
“Kam frikë dhe më duket se disa njerëz nga bota rreth nesh i nënvlerësojnë kombet e vogla të Ballkanit”, ka thënë Vuçiç
“Unë i respektoj ato, por unë mendoj ndryshe, sepse unë besoj se ata vetë duhet të zgjidhin të ardhmen e tyre”, tha presidenti serb, duke iu referuar shteteve të mëdha të Perëndimit.
“Njerëzit janë të pjekur dhe seriozë në vendet e Ballkanit, dikush duhet ta kuptojë këtë”, shtoi Vuçiç. /tesheshi.com/
