Maqedonia siduket do shkojë drejt zgjedhje të parakohshme për ta zgjidhur më pas çështjen emrit. Kjo është paralajmëruar nga vetë kryeministri Zaev duke u dhënë si opsion, pas dështimit të referendumit të së dielës.
E për LSDM-në, nëse rruga parlamentare nuk do e zgjidhë ngërçin e krijuar, është vendosur thirrja e zgjedhjeve të parakohshme.
“Komiteti Ekzekutiv i LSDM-së autorizon presidentin partisë dhe kryeministrin e Maqedonisë, Zoran Zaev dhe kreu i grupit parlamentar Tomislav Tunta për të marrë të gjitha hapat e nevojshme për t’u përgatitur për zgjedhje të parakohshme parlamentare, nëse në Kuvend nuk sigurohen dy të tretat e shumicës për anëtarësim të Maqedonisë në NATO dhe BE me mbështetjen e marrëveshjes me Greqinë, e cila parashikon ndryshimin e emrit të vendit në Republikën e Maqedonisë Veriore”, u tha në një deklaratë të LSDM-së.
Referendum i së dielës në Maqedoni, ku elektorati u ftua të votonte për marrëveshjen me Greqinë për çështjen e emrit, dështoi në pjesëmarrje e jo në rezultat. Mbi 90 përqind i thanë “Po” emrit të ri, por ata ishin në afro 35 përqind të votuesve. Njeriu që thirri në bojkot qe presidenti Ivanov. /tesheshi.com/
