Presidenti serb Aleksandar Vuçiç tha se refuzimi i kërkesës së Kosovës për anëtarësim në Interpol ishte suksesi i një “vendi të vogël, sfidues dhe krenar”.
Ai shtoi se për këtë arsye, ai nuk duhet të jetë euforik dhe ta poshtërojë Prishtinën.
“Ky është suksesi i një vendi të vogël, sfidues dhe krenar, i cili nuk mund të bazojë të ardhmen e saj në mosbindje dhe pafajësi, por në një qasje racionale dhe duhet të bëjë kompromis”, tha Vuçiç në Presidencën Serbe.
Ai tha se Serbia shpresonte për një rezultat të mirë, por që rezultati ishte më i mirë se sa pritej.
Vuçiç tha se pas rezultatit të parë të votimit, ku 76 vende votuan kundër anëtarësimit të Kosovës dhe 20 abstenuan, u tregua se “Kosova nuk ishte as afër dy të tretat e votave”.
Ai shtoi se Paraguai ishte i vetmi vend që Serbia besonte se do të abstenoj dhe votoi për pranimin e Kosovës.
Vuçiç falenderoi të gjitha vendet që ndihmuan Serbinë dhe shtoi se ai do të punonte në zhvillimin e marrëdhënieve dhe miqësisë më të mirë me ta.
“Unë jam krenar që po luftoj për vendin tim; një vend i vogël, pa shumë fonde a pushtet në botë, që po tregohet i aftë që të përballojë forca më të fuqishme”, tha Vuçiç .
“Ne kemi përmirësuar pozicionin tonë ndërkombëtar, por nuk mund ta përdorim këtë shembull për ta poshtëruar Prishtinës”, shtoi presodenti serb. /tesheshi.com/
