Shqipëria sapo ka humbur 0-3 ndaj Izraelit në “Elbasan Arena”, në një ndeshje të luajtur fare keq nga lojtarët tanë.
Tre gola të pësuar, dy kartona të kuq, shthurje loje; gjithçka e shkuar keq në këtë mbrëmje.
Gjimshiti është ndëshkuar me të kuqe në minutën e 17-të, e menjëherë më pas Zahavi ka shënuar për izraelitët me 11-metërsh.
Një tjetër karton i kuq në minutën e 55-të, që e lë përfaqësuesen pa portierin Berisha. Zahavi dështon këtë herë nga pika e bardhë e penalltisë.
Megjithatë, izraelitët kanë shënuar dhe dy herë të tjera: në minutën e 66-të me anë të Einbinder-it, e në të 84-ën me Atar-in.
Humbja e zbret Shqipërinë në vend të katërt në grupin G. /tesheshi.com/
