Situata e krijuar në Kosovë me mosformimin e institucioneve prej më shumë se dy muajsh duket se po ndikon në nisjen e një tjetër eksodi të kosovarëve drejt vendeve të BE.
Prej disa ditësh autobusë me qytetarë po nisen nga Prishtina për në Beograd, për të dalë më pas ilegalisht drejt Hungarisë dhe vendeve tjera të BE-së.
Këtë e dëshmon edhe kjo fotografi e publikuar nga një qytetar në rrjetet sociale, e cila tregon se nga terminali janë nisur dy autobusë të mbushur me qytetarë drejt Beogradit e që destinacion i tyre më pas është Hungaria dhe shtetet e BE-së, shkruan magazine.al.
“Tmerr fillojnë prapë nisjet drejt Hungarisë. Mbrëmë dy autobusa me të rinj u nisën drejt Beogradit nga terminali në Prishtinë. Ndaleni emigrimin ilegal”, ka shkruar qytetari në fotografinë e publikuar në rrjetet sociale.
Kujtojmë se në dhjetor të vitit 2014-të dhe janar të 2015-tës dhjetëra autobusë me qindra qytetarë braktisën shtëpitë e tyre dhe u nisën ilegalisht drejt vendeve perëndimore për të gjetur jetë më të mirë por që pas disa muaj qëndrimi i rikthyen. /tesheshi.com/
