Një ndeshje e kampionatit të Angolës është kthyer në tragjedi të premten, pasi më e pakta 17 persona kanë humbur jetën dhe 59 të tjerë janë lënduar teksa po përpiqeshin të hynin në stadium.
Ngjarja tragjike ka ndodhur në veri të Angolës, në qytetin Uige, ku tifozët mësynë në portat e stadiumit para fillimit të ndeshjes, me turmën që shtypi me këmbë fatkeqët e rrëzuar.
Media vendase raporton se një pjesë e të vdekurve dhe nga asfiksia janë fëmijë, ndërkohë që pesë prej të plagosurve janë në gjendje të rëndë.
“Një tragjedi pa precedent në historinë e fubollit angolez,” u shkrua në faqen zyrtare elektronike të ekipit udhëtues, Recreativo de Libolo.
“Ndërsa lojtarët ishin në fushë, tifozët jashtë u përpoqën të hynin në stadium, dhe një portë nuk e përballoi presionin e turmës, çka i bëri shumë njerëz të rrëzohen e të shtypen prej saj,” hodhi dritë mbi incidentin vdekjeprurës i njëjti njoftim i skuadrës udhëtuese.
Ndeshja mes Santa Rita de Cassia-s dhe Recreativo de Libolo-s ishte e vlefshme për javën e parë të kampionatit angolez, Girabola-s. /tesheshi.com/
