“Fotografitë e martesës shkrepen në vende që kanë një domethënie për çiftin. Puna është një pjesë shumë e rëndësishme e jetës sonë, ndaj bëmë disa fotografi që të tjerët mund të mos i cilësojnë aspak normale”.
Kështu është shprehur Jenny Tay, e cila është vënë në qendër të vëmendjes mediatike bashkë me partnerin e saj, Darren Cheng, pasi kanë realizuar një set fotografik në varreza, pranë arkivoleve.
Zonja Tay është trashëgimtarja e një familje të madhe dhe shumë të njohur të shërbimeve funerale në Singapor. Babai i saj, Roland Tay është tepër i njohur pasi përgjithësisht ka realizuar falas funeralet e viktimave të vrasjeve, të varfërve dhe njerëzve në nevojë.
Darren Chen merret me zhvillimet në vend dhe zgjerimin e kompanisë, pra me pjesën administrative. “Vdekja është një aspekt i jetës. Është e rëndësishme që njerëzit të flasin për të. Shpresojmë të kemi kontribuuar në thyerjen e kësaj tabuje”,- ka thënë Jenny Tay. /tesheshi.com/
