Veç ftesës së Ramës për pajtim me Dulen, kongresi i PBDNJ-së ka ofruar dhe një tjetër suprizë nga ato me spec nacionalist. Përfaqësuesi i Athinës zyrtare, Makropulos, shprehu keqardhjen që në qeverinë “Rama” nuk kishte asnjë ministër i minoritetit, duke kujtuar se në ato të mëparshmet, tek “Nano” apo “Berisha”, kishte dy ministra e dy z/ministra. Ai i bëri thirrje minoritetit që të bashkohet e mos përçahet, duke thënë se kështu do mund mund të arrihen qëllimet.
“Ne i konsiderojmë grekët jashtë Greqisë janë më shumë grekë se ata që jetojnë brenda Greqisë. Ne kërkojmë që ju të jeni të gjithë së bashku të bashkuar. Qeveria aktuale greke në ndryshim me periudhat e mëparshme, dëshiron të ketë një minoritet kompakt. Në vitin 1998 ju kishit dy ministra dhe dy zv/ministra. Por tani keni 6 deputetë dhe asnjë fuqi në qeveri. Ky është problem dhe kjo ka ardhur si pasojë e ndërhyrjes nga Greqia, përçarjen e minoritetit. Duhet të jeni të bashkuar sepse të bashkuar mund të keni sukses në çdo gjë. Më kujtohet një miku i imi që thoshte: ne jemi dy popujt në Ballkan që veshim fustanella dhe kemi probleme të përbashkëta”, shtoi emisari i Tciprasit në kongresin e partisë së grekërve në Shqipëri. /tesheshi.com/
