Një shërbim i ri droni është duke u prezentuar në Emiratet e Bashkuara Arabe, i cili së shpejti do të revolucionarizojë mënyrën se si ushqimet dhe dërgesat e tjera do të sillen nëpër shtëpi.
Një kompani me bazë në Dubai, së fundmi ka bashkëpunuar me një firmë amerikane për t’iu ofruar klientëve mundësinë për të vendosur porositë e tyre, qofshin artikuj ushqimorë, ushqim ose pjesë këmbimi dhe t’i dërgojnë në shtëpinë e tyre brenda disa minutash, nëpërmjet një droni vetë-fluturues.
Eniverse Technologies, një grup teknologjie në Emiratet e Bashkuara Arabe dhe Skycart, një kompani me bazë në San Francisko, njoftuan të martën se do të fillojnë t’u qasen bizneseve në mënyrë që të bëjnë zgjidhjen e zgjuar një realitet.
Ideja është të shpërndahen dronë vetë-fluturues që mund të dorëzojnë paketa që nuk peshojnë më shumë se pesë kilogramë në shtëpitë e klientëve në të gjithë Emiratet e Bashkuara Arabe.
Shërbimi është planifikuar të nisë dikur ndërmjet viteve 2018 dhe 2019 dhe fillimisht do të funksionojë në komunitetet e përzgjedhura, duke përfshirë Hills Emirates, The Meadows, The Springs, The Greens, Jumeirah dhe Umm Suqeim./tesheshi.com/
