E diel, 13 maj 1990, ditë e veçantë në Zagreb, sepse pritej derbi me Crvena Zvezda-n serbe. “Ndihej” era e tensionit në mëngjes dhe më pas, pak orë para fillimit të ndeshjes kulmoi në lëndinën e Maksimir-it. Shumë i konsiderojnë këto ngjarje si fillimin simbolik të Luftës së Atdheut.
Prandaj sot shënohet 33-vjetori i ndeshjes së pa luajtur mes Dinamos së Zagrebit dhe Crvena Zvezda-s.
Në vend të një spektakli futbolli, tifozët serbë u egërsuan, duke depërtuan në tribunën veriore të stadiumit dhe u përleshën me milicinë.
Trazirat filluan kur huliganët serbë nën udhëheqjen e kriminelit të luftës Zheljko Razhnjatoviç – Arkan filluan të shkatërrojnë tribunën jugore dhe më pas sulmuan spektatorët.
Në rrëmujën e përgjithshme, teksa shumica e lojtarëve të të dyja skuadrave u tërhoqën në dhomat e zhveshjes, kapiteni i atëhershëm i Dinamos, Zvonimir Boban, shkoi në mbrojtje të tifozëve. Kur njëri prej “bluve” e goditi me shkop, Zvone u kundërpërgjigj duke e goditur me shkelm në bark.
Për shkak të kësaj, Boban u dënua me nëntë muaj mosvajtje, e më vonë u reduktua në katër muaj dhe trajneri Ivica Osim nuk e çoi në Botërorin e Italisë.
Ishte kjo, tek natyrës sportive, një zhvillim me karakter nacionalist. Në erën e ndryshimeve në Lindje, rënies së regjimeve komuniste, popujt në Jugosllavi hoqën maskat e Bashkim-Vëllazërimit titist, duke shkuar drejt luftrave të përgjakshme mes tyre. /tesheshi.com/
