Prag-derbi kryeqytetas Tirana – Partizanika ofruar skena të pazakonta, e gati të papara në stadiumet shqiptare gjer më sot, të një përleshjeje mes tifozësh, jo thjesht në shkallët e stadiumit por në fushë, aty ku pritej të hynin lojtarët.
Dhuna ka çuar deri në përgjakje madje, pasi grupe tifozësh janë përleshur trupi me trup e gjuajtur me mjete të forta. Efektivët policorë e kanë patur gati të pamundur të ndanin palët, duke u shndërruar në spektatorë të dhunës.
Kjo ka bërë që të vijnë në ndihmë efektivë të FNSH derisa situata është qetësuar, për t’ja lënë më pas vendin zhvillimit normal të lojës. Gjithçka ndodhi në “Selman Stërmasi”, aty ku pak vite më parë, tifozeria e Tiranës nuk donte të linte Partizanin që të luante.
Tirana – Partizani është një rivalitet që trashëgohet që nga koha e komunizmit. Dikur me sfond ideologjik, sot vijon ende të trajtohet si i tillë nga një masë tifozësh. /tesheshi.com/
https://youtu.be/E6zxQLbSWIw
