Këshilli i Sigurimit i Kombeve të Bashkuara do të diskutojë sot raportin e ri gjashtëmujor të Sekretarit të Përgjithshëm të OKB-së Antonio Guterres për punën e Misionit të OKB-së në Kosovë (UNMIK).
Seanca e Këshillit të Sigurimit për punën e UNMIK-ut do të mbahet në një kohë të tensioneve të shtuara mes Beogradit dhe Prishtinës, për të cilën efektojnë mosmarrëveshjet për përdorimin e dinarit në Kosovë dhe menaxhimin e komunave me shumicë serbe në veri të Kosovës, si dhe procedurën për pranimin e Kosovës në Këshillin e Evropës.
Serbia në seancë do të përfaqësohet nga presidenti Aleksandar Vuçiç, ndërsa Kosova nga presidentja Vjosa Osmani-Sadriu.
Vuçiç kundërshton pretendimet e raportit
Në raportin për periudhën nga 19 shtatori 2023 deri më 15 mars 2024, të cilin do ta prezantojë në seancë kryetarja e UNMIK-ut, Caroline Ziadeh, Guterres theksoi se “dënon fuqishëm incidentin e rëndë të sigurisë më 24 shtator në fshatin Banjskës, gjë që çoi në humbjen tragjike të jetës”.
“Bëj thirrje që hetimi të përfundojë dhe autorët të dalin para drejtësisë pa vonesë”, tha ai në lidhje me konfliktin mes një grupi të armatosur të serbëve dhe policisë së Kosovës.
Në raport, për të cilin Vuçiç tha se “nuk pasqyron pamjen e vërtetë në terren”, Guterres shprehu gjithashtu shqetësimin për zbatimin e rregullores së re të Kosovës që ndalon përdorimin e dinarëve në transaksionet me para të gatshme, duke theksuar se si ajo ka ndikuar në të drejtat ekonomike dhe sociale te jo komunitetet shumicë, dhe veçanërisht njerëzit më të cenueshëm në Kosovë.
“Unë bëj thirrje për një diskutim urgjent për çështje të hapura në kuadër të dialogut me ndërmjetësimin e Bashkimit Evropian, në mënyrë që të sigurohet respektimi dhe mbrojtja e të drejtave të të gjitha komuniteteve të prekura dhe grupeve më të cenueshme”, shtoi Guterres.
Që nga miratimi i Rezolutës 1244 të Këshillit të Sigurimit të OKB-së më 10 qershor 1999, kjo organizatë ka diskutuar për Kosovën katër herë në vit deri në vitin 2018. Në vitin 2019 janë mbajtur tri seanca, ndërsa nga viti 2020 mbahen dy seanca në vit – në prill dhe tetor. /tesheshi.com/
