“Der Standard” i ka kushtuar një artikull miratimit të qeverisë së re në Kosovë, ndërsa e cilëson atë si kabineti i ish-komandantëve të UÇK.
Ramush Haradinaj, është përsëri kryeministër i Kosovës, një post që e mbajti për një kohë të shkurtër në 2004. Qeveria e Kosovës u krijua pas peripecive tre mujore mes PDK, AAK, NISMA si dhe e mbështetur nga Lista Serbe, pakicat dhe disa deputetë të tjerë.
Haradinaj mori vetëm 61 nga 120 deputetët. AAK e Haradinaj, që ka mbështetje në rrafshin e Dukagjinit në Kosovën perëndimore, ka rreth 10 përqind të votave. Megjithatë në vitet e kaluara Haradinaj ka luajtur një kurs të ashpër opozitar, pa të cilin asgjë nuk mund të funksiononte në Kosovë.
Zgjedhja e tij është një temë edhe në shtetin fqinj, në Serbi. Kundër Haradinaj, ekziston një flet arresti ndërkombëtar i lëshuar në Serbia, pavarësisht se dy herë u la i lirë nga Gjykatat Ndërkombëtare. Së fundi në janar 2017 ai u arrestua në aeroportin francez Mulhouse, ndërsa në prill u lirua, pasi Franca hezitoi ta ekstradojë atë në Serbi. Por Haradinaj do vijojë dialogun me Serbinë.
“Përkundër historisë tragjike, ne nuk mund ta ndryshojmë faktin që jemi shtete fqinje,” tha ai. Vetë fakti që Lista Serbe e mbështeti Haradinajn, tregon se Beogradi është i gatshëm ta njohë atë si kryeministër. Kjo pasi Lista Serbe kontrollohet nga partia e presidentit serb, Aleksander Vuçiç.
Ratifikimi i demarkacionit me Malin e Zi është një nga çështjet që pret zgjidhje. Pa u zgjidhur kjo temë, nuk mund të ketë liberalizim të vizave në hapësirën Shengen.
Muajt e ardhshëm pritet të jenë të tensionuar për shkak të akuzave të Gjykatës Speciale kundër krimet e mundshme të UÇK, nga e cila kanë dalë PDK, AAK dhe NISMA. /tesheshi.com/
