Në votimet më të rëndësishme ndërkombëtare kanë votuar dhe vendosur të vjetrit. Por kjo mund të ndodhë edhe në zgjedhjet eparlamentare në Gjermani, shkruan “Der Spiegel”, e cila fton të rinjtë të ushtrojnë të drejtën e votës.
“A nuk luan rol e ardhmja, arsimi, ndryshimet klimaterike dhe integrimi në fushatën zgjedhore? Shenja të gabuara. Tani në fazën e nxehtë bëhet fjalë për tema pa përmbajtje: “suksese për Gjermaninë”, “ne për Martinin”. Mos u habisni, që për ju të vendosin të vjetrit. Ata janë shumë. Kësaj here persona mbi 70 vjet janë 20.7%, pra numri më i madh i votuesve. Kjo është arsyeja se fushata gjermane është dominuar kryesisht nga politikat familjare, sigurimit shëndetësor dhe pensionet.
Votuesit e rinj mund të bëjnë vetëm një gjë: të dalin në votime”, shkruhet në artikull.
“Der Spiegel” sikur fton të rinjtë gjermanë që të mos bëjnë gabimin e moshatarëve të tyre në SHBA dhe Britani, ku ata ishin kundër Donald Trump dhe Brexit respektivisht. Por dalja masive e të vjetërve caktuan të ardhmen e tyre.
“Dhe kush nuk e di se cilin do votojë le të bëjë testin Wahl-o-Mat,” ku mund të shikojë se me cilin program ngjasojnë bindjet e tyre. /tesheshi.com/
