Në Ballkanin Perëndimor ka rivalitete mes Rusisë, Kinës dhe SHBA, ndërsa humbësi më i madh është Bashkimi Europian. Në fakt ata janë investuesit më të mëdhej në rajon, megjithëse ka pësuar rënie besueshmërie, shkruan Der Spigel
Paradoksi qëndron se BE është investitori kryesor i rajonit politikisht dhe financiarisht, megjithatë rajoni ka humbur besueshmërinë te insitucionet europiane.
Zv.sekretari i jashtëm amerikan Hoyt Brian Yee arriti të zgjidh krizën politike në Shqipëri dhe Maqedoni brenda disa ditësh, pas një përpjekje të dështuar disamujore nga kolegët e tij europianë.
Për Kinën, krahas Rumanisë, Bullgarisë dhe Greqisë pikë me vlerë është edhe rajoni i Ballkanit perëndimor, veçanërisht Serbia.
Kina do investojë 3 miliardë dollarë një linjë moderne hekurudhore mes Beogradit dhe Budapeshtit.
Rusia më së tepërmi shfrytëzon lidhjet tradicionale me Serbinë, duke i shitur aeroplanë luftarakë, tanke dhe sisteme tjera ushtarake. Rusia dhe Serbia kryejnë shpesh edhe manovra ushtarake të përbashkëta.
Pavarësisht anëtarësimit të Malit të Zi në NATO, Podgorica dhe Moska mbeten ndër patnerët më të rëndësishëm ekonomik.
Pas një pushimi, presidenti turk Rexhep Taip Erdogan, kërkon të fuqizojë rolin e Turqisë në Ballkanin perëndimor. Në shtator ai do udhëtojë drejt Serbisë sëbashku me 150 përfaqësues ekonomikë.
Hierarkia politike nga Bosnja, Shqipëria dhe Kosova, zyrtarisht janë prej kohësh mysafirë të rregullt tek ai.
“Për BE rajoni është vetëm një bankë e zgjatur,” thotë politologu Dusan Reljic nga “Berliner Stiftung Ëissenschaft und Politik”, duke shtuar se është kjo arsyeja pse rajoni regjistron zbehje për anëtarësim në BE.
Politologu tjetër Vedran Dzihic nga Universiteti i Vjenës thekson se nuk duhet të mbivlerësohet ndikimi i shteteve si Rusia dhe Turqia në rajon, “por sa më larg shkon integrimi i premtuar drejt BE, aq më e pabesueshme bëhet BE dhe aq më tepër zgjerohen fuqitë, si Rusia dhe Turqia.
Për këtë gjithmonë e më tepër ka tendenca autoritare në qeveritë e Ballkanit perëndimor.
“Putin dhe Erdogan janë më popullorë se Angela Merkel ose BE,” vijon Dzihic.
“Mbi të gjitha Erdogan vlen si burrë i fortë, i cili sfidon edhe të fortët e botës. Ky është materiali që impresionon shumë në Ballkan dhe shërbehet nga elitat politike”, thotë ai. /tesheshi.com/
