Dje, në hapje të seancës së parë paralamentare të sezonit të ri politik, një deputete e opozitës dha një sugjerim që aty në sallë, të ishte dhe Nënë Tereza.
Një personazh me pritje islamofobe, Flutura Açka, një shkrimtare pa ndonjë emër të madh apo prestigj të veçantë në fushën e letrave, gjithashtu dhe pa ndonjë inteligjencë të spikatur politike, iu drejtua drejtueses së seancës duke i thënë:
“Kam një sugjerim: meqë është sot dita e shenjtërimit të Nënë Terezës, të ishte mirë të ishte një portret i saj dhe në të duartrokisnim”.
Ishte një kërkesë që gjithsesi nuk u komentua apo bëri bujë. Por në thelb mbetet e pazakontë.
Kujtojmë se në rastin e Nënë Terezës, një ndër debatet që provokohet nga tematika naive “feja para kombit apo kombi para fesë?”, pothuajse nuk ekziston. Nobelistja shqiptare padyshim që zgjodhi besimin në gjithçka, në kauzën e saj jetësore (dhe mirë bëri), por ky handikap i saj, nga ana e tyre që janë tërësisht handikapë në të kuptuarit e drejtë të fesë e kombit apo ndërthurrjes së tyre në jetën e individit, i thjeshtë apo figurë publike, nuk i vihet re kurrë.
Kjo si në rastin e shamisë: gjersa s’është muslimane, s’ka problem. /tesheshi.com/
