Jo Cox, deputetja që u vra jashtë zyrës së saj të enjten e javës së kaluar po punonte për një raport që dokumentonte rritjen e sulmeve kundër muslimanëve e sidomos ndaj grave muslimane. E dhëna ka dalë në shtypin britanik, ndërsa “The Guardian” njofton se ajo po planifikonte të fliste në parlament në fund të muajit për të paraqitur raportin për të cilin kishte punuar së bashku me agjencinë vëzhgimore kundër islamofobisë, “Tell Mama”. Drejtori i kësaj agjencie theksoi se studimi që po përgatitet del në përfundimin se ka një rritje prej 80 për qind më shumë sulme mbi muslimanët në Britani, në vitin 2015 sea një vit më herët.
“Ajo u takua me ne për të biseduar për mënyrat sesi njerëzit mund të raportojnë sulmet, sidomos gratë në zonën e saj elektorale”, tha themeluesit dhe drejtori i “Tell Mama”, Fiyaz Mughal.
Raporti është i fundit në një seri të përvitshme që ka dokumentuar rritjen e sulmeve islamofobe. “Ne po shpresonim që ajo të nënvizonte ndikimin mbi gratë muslimane, sidomos duke pasur parasysh ekzistencën e një shënjestre mbi to”, tha Mughal. Sipas saj, incidentet në rrugë kanë pasur në shënjestër kryesisht grad he një tendencë e tillë duket se është në progres.
Mughal pret që ta përfundojnë raportin e konkluzioni sipas organizatës, është se gjatë vitit 2015 ka pasur 1100 sulme islamofobike – një rritje prej 80 për qind krahasuar me një vit më parë. Sipas organizatës janë raportuar edhe mjaft sulme të tjera të cilat janë vlerësuar për të nxjerrë një mesatare kombëtare. Mughal thotë se shumë e shumë sulme e incidente të tjera nuk janë raportuar asnjëherë.
Sipas “Times”, Cox kishte regjistruar një video për ta përdorur për publikimin e raportit, ku ajo i referohet edhe debateve “ngazëllyese” që kishte pasur me stafin e organizatës “Tell Mama”. Ajo thotë se ata kanë biseduar për mënyrat sesi mund të reduktohet islamofobia dhe se problem është shndërruar në një çështje shumë shqetësuese në zonën e saj elektorale. Sipas videos, ajo thotë se në këtë zonë “shumë gra të reja nuk ndjehen të sigurta kur janë jashtë në rrugë”.
Përgatiti: Juli Prifti – /tesheshi.com/
