Në partinë e Kadri Veselit thonë se janë të gatshëm për zgjedhje të parakohshme dhe se kurdo që ato mbahen do të jenë fitues.
“Partia Demokratike e Kosovës është e gatshme sa janë partitë e tjera politike në Kosovë për të shkuar në zgjedhje dhe konsideroj që nesër nëse shkojmë në zgjedhje prapë se prapë PDK-ja do të jetë pjesë e qeverisë dhe fituese e zgjedhjeve”, ka deklaruar deputetja Ganimete Musliu në një intervistë për Ekonomia Online.
Por sipas saj partitë tjera nuk i duan zgjedhjet në këtë periudhë për shkak se janë në procese zgjedhore të brendshme partiake.
Megjithatë në rrethanat aktuale ajo thotë se zgjedhjet nuk prodhojnë zgjidhje dhe dëmtojnë buxhetin dhe qytetarët.
“Unë nuk jam idhtare e të shkuarit kaq shpesh në zgjedhje, sepse ju e keni parë dhe jeni dëshmitarë që zgjedhjet jo gjithherë kanë prodhuar zgjidhje. Duke pasur parasysh klasën politike e cila jemi tani dhe thjeshtë politikat praktikohen tash pa një reformë zgjedhore”, ka thënë ajo. /tesheshi.com/
