Deputetja demokrate, Jorida Tabaku, përmes një komenti në rrjetet sociale, shkruan se shkaktar për vrasjen e sotme të gjyqtares Fildes Hafizi është amnistia e votuar nga parlamenti 1 vit më parë.
“Në 2016 parlamenti votoi një amnisti që prekte shumë kategori, ndër to amnistoi dhe vrasësin e sotëm të një nënë, vajze e gjygjtareje.
Unë nuk e votova atë amnisti elektorale, ku më së shumti qeveria amnistonte dhe krime të rënda.
Sot ndjehem e tronditur nga ajo që ka ndodhur në mes të Tiranës. Kur një gjykatëse nuk mbron dot veten, si ia ben një e papune? Çfarë ndodh larg Tiranës?
Për atë që ndodhi sot, faji është i sistemit, politikës që ka ngritur këtë sistem dhe i kujtdo që ka amnistuar një vrasës. Unë sot ndjehem fajtore, për aq sa më takon, e të gjithë sot duhet të jemi kokëulur.
Sot një jetë ka ikur e nuk kthehet dot më!”, shkruan Tabaku në rrjetet sociale. /tesheshi.com/
