Deputetja e re e Lëvizjes Socialiste për Integrim, Floida Kërpaçi, i ka dalë në mbrojtje koleges së saj demokrate, Izmira Ulqinaku, së cilës iu ndërpre fjala nga kryetari i Kuvendit, Gramoz Ruçi, pasi foli për ngjarjen e 2 prillit të vitit 1991 në Shkodër, ku u vranë 4 të rinj.
Deputetja e LSI i bëri thirrje Ruçit të mos bëhet vegël e Ramës, por të shërbejë në funksionimin e Parlamentit.
“Kjo e sotmja është hera ime e dyte që mbaj fjalë në këtë foltore dhe e kam të pamundur si deputete e re e këtij parlamenti të mos shprehem për veprimin antikushtetues të bllokimit të fjalës së lirë në këtë Kuvend, që I takon qytetarëve. Nga kjo e sotmja nuk është vetëm një atentat ndaj medias dhe fjalës së lirë të deputetëve, por kjo është një tentativë për të rivendosur në Shqipëri një sistem ku ka vetëm një burim të centralizuar informacioni.
Por për aq kohë sa ju i bllokoni me dhunë fizike fjalën një 18 vjeçari të votoje për LSI, nuk mund të pres që të lejoni përfaqësuesit e popullit të shprehin bindjet e tyre.
Dhe këtu dua ti dal në krahë deputetes të PD, që ishte 1 vjeç në ’91 dhe 2 vjeç në ’92, por nuk është faji yne që të gjithe brezat që vijnë, ju gjejne ju këtu”, i tha Kërpaçi, kryetarit të Kuvendit. /tesheshi.com/
