Pasi riktheu muaj më parë në parti Donika Kadaj-Bujupin, dhe shtoi numrin e deputetëve në Kuvend, AAK-ja e kryeministrit Ramush Haradinaj është përforcuar edhe me një grua. Deputetja e grupit 6 plus, Emilja Rexhepi nga sot do ta vazhdoi aktivitetin politik në AAK.
Këtë e ka bërë të ditur deputeti Muharrem Nitaj.
“E vlerësojmë si shenjë të rritës sonë parlamentare dhe një mundësi më shumë që zëri ynë të jetë edhe më fortë në Kuvend. Njëkohësisht edhe mbështetje më e madhe për Qeverinë Haradinaj. Mirë se erdhe, Emilija Rexhpi”, shkruan Nitaj në Facebook.
Kujtojmë se deputetja Rexhepi në vitin 2017, kandidoi për kryetare të Prizrenit nga Partia e Re Demokratike. Ajo mori më pak se 5% të votave. /tesheshi.com/
