Deputetja e LDK-së, Alma Lama e ka cilësuar të papranueshme dhe një sjellje të pahijshme, sulmin me vezë ndaj shefit të saj, Isa Mustafa i cili raportonte në Kuvend për marrëveshjet e nënshkruara në Bruksel.
Në komentet e dhëna për televizionin public Lama tha se opozita ka të drejtën të bëjë lojën e saj, por “por çdo gjë ka limit.
“Këto sjellje janë të papranueshme. Këto lloj sjelljesh nuk e shpëtojnë as Asociacionin e asnjë lloj marrëveshjeje, këtë le ta harrojnë. Opozita duhet të bëjë lojërat politike, të kundështojë, por çdo gjë ka një limit, ka vijat e kuqe. Kjo sjellje ndaj kryeministrit nuk I bën nder askujt. Gjuajtjet me gurë dhe vezë janë të papranueshme në demokraci. Ka plot rrugë për të kundështuar vendimet që nuk I pëlqejnë opozitës dhe qytetarëve”, ka deklaruar Lama. /te sheshi.com/
