Duket sikur hallet për deputetin ish-socialist, Vladimir Kosta nuk kanë të mbaruar. Ai ka rënë pre e një mashtrimi lidhur me shitjen e apartamenteve dhe ka kallëzuar në prokurori për mashtrim një 30-vjeçar nga Tirana.
Sipas deputetit, i riu i ka marrë atij një sasi të konsiderueshme parash për një apartament. Por, pasi Gjuzi ka marrë paratë në dorë, ia ka shitur dikujt tjetër apartamentin.
“Më datë 13.12.2016, u referuan materialet në Prokurorinë e Rrethit Gjyqësor Tiranë, për shtetasin A.Gj, vjeç 36, banues në Tiranë pas kallëzimit te Vladimir Kostes se ky person e ka mashtruar. Nenet 180, 186 e 143 të Kodit Penal. I janë referuar materialet për mashtrim, fshehje te ardhurash dhe falsifikim dokumentesh”, thuhet në njoftimin e policies së Tiranës.
Në korrik të këtij viti, Kosta depozitoi një tjetër kallëzim penal për biznesmenin Kostandin Gjata, i cili e akuzoi atë se i ka kërkuar 5.3 milionë lekë për disa punime që nuk shkonin më shumë se 500 mijë lekë./tesheshi.com/
