Deputeti shqiptar në Parlamentin e Brukselit, Ahmet Gjanaj, ka hartuar një draft-rezolutë mbi genocidin grek mbi popullsinë çame.
Drafti është publikuar nga deputeti, ndërsa pritet që të propozohet në parlamentin e Brukselit.
Përmes saj, ftohet Greqia të njohë genocidin e kryer kundër popullsisë Çame në vitin 1944. Gjithashtu ftohet qeveria greke që të shfuqizojë dekretin mbretëror 2636 të datës 10 nëntor 1940, i njohur si “gjendje e luftës” midis Greqisë dhe Shqipërisë, e cila do të mundësojë heqjen e sekuestrimin të pronave të të mbijetuarve dhe pasardhësve të të mbijetuarve të genocidit grek mbi Çamët të kryer në vitin 1944.
Përmes draftit i kërkohet Greqisë që të autorizojë të mbijetuarit dhe pasardhësit e të mbijetuarve të genocidit të vitit 1944 për t’u kthyer në tokat e tyre dhe për të gëzuar të njëjtat të drejta si çdo qytetar grek dhe të paktën të gëzojnë të drejtën për të vizituar varret e të vdekurve të tyre nga genocidi i 1944.
Drafti i plotë
Pas punën e bërë dhe kërkimet e ndryshme, kam nderin e madh të ju paraqes Projekt-rezolutën që kam pregatitur për njohjen e genocidit grek mbi popullatën çame :
PROJEKT REZOLUTË
Parlamentit të Rajonit të Brukselit,
A. Duke marrë parasysh studimet e shumta që i kushtohen situatës së Çamëve, popullsi me kombësi shqiptare, në Greqi në shekullin e fundit;
B. Duke pasur parasysh Konventën e Kombeve të Bashkuara për Parandalimin dhe Ndëshkimin e Krimit të Genocidit, e cila përcakton krimin e genocidit;
C. Duke marrë parasysh seancën e posaçme të Parlamentit Evropian të datës 3 nëntor 2006 mbi çështjen e Çamëve;
D. Duke pasur parasysh se dëshmitë historike të realitetit të masakrave të organizuara dhe sistematike të Çamëve në vitin 1944, Shqiptarëve myslimanë të Greqisë, nuk mund të vihën në dyshim;
E. Duke konsideruar njohjen nga Komisioneri për zgjerimin Johannes Hahn më 28 shtator 2016 të problemit të Çamëve si një çështje e hapur midis Shqipërisë dhe Greqisë;
F. Duke pasur parasysh se popujt shqiptarë dhe grekë janë të dënuar të kenë marrëdhënie të mira fqinjësore;
G. Duke pasur parasysh perspektivën evropiane të Shqipërisë si një vend kandidat për anëtarësim në BE dhe statusin e Greqisë si anëtare e Bashkimit Evropian;
H. Duke marrë parasysh “gjendjen e luftës” me Shqipërinë akoma në fuqi në legjislacionin grek përmes dekretit mbretëror 2636 të 10 nëntorit 1940 nën pretekstin e çuditshëm të pushtimit nazist të Greqisë nga territori i Shqipërisë paçka se Shqipëria ishte vetë e pushtuar nga italia fashiste dhe Gjermania naziste në atë kohë dhe pavarësisht kalimin e kohës dhe mbarimin e luftës;
I. Duke pasur parasysh akuzat greke mbi Çamët, si tërësi etnike dhe fetare, si bashkëpunëtorë me nazistët pavarësisht dokumentave të shumta që dëshmojnë të kundërtën;
J. Duke pasur parasysh se të gjitha pasuritë e luajtshme dhe të paluajtshme të Çamëve janë sekuestruar mbi bazën e këtij dekretit mbretëror të 10 nëntorit 1940 dhe akuzës për bashkpunim me nazistët të Çamëve;
K. Duke marrë parasysh irredentizmin grek për jugun e Shqipërisë, i ashtu-quajtur Epiri i Veriut, i mishëruar në emrat e qyteteve të jugut të Shqipërisë që gjenden akoma sot në muret e parlamentit grek;
L. Duke konsideruar ndërhyrjet e shumta greke në çështjet e brendshme shqiptare deri te intimidimet dhe manovrat e fundit ushtarake të 7 nëntorit 2016 në kufirin shqiptar dhe kërcënimet e Ministrit grek të Mbrojtjës;
M. Duke pasur parasysh refuzimet për të mbijetuarit Çamë të genocidit të 1944, për shkak të vendit të tyre të lindjes në Greqinë veriore, për të hyrë në tokën greke për të vizituar varret e familjeve të tyre të masakruara gjatë genocidit pavarësisht regjimit të liberalizimit të vizave që përfitojnë shqiptarët që nga janari 2008 në tërë vendet e Shengenit;
N. Duke pasur parasysh se njohja e krimeve dhe gabimeve të së kaluarës është një preludë për një pajtim të sinqertë midis popujve dhe se nuk mund të ketë marrëdhënie të mira fqinjësore pa drejtësi;
O. Duke pasur parasysh se njohja e krimeve të qeverive të mëparshme do të dëshmonte një ndarje nga objektivat e atyre qeverive dhe mundëson pranimin politik të pajtimit dhe t’i japë fund marrëdhënieve të disbalancuara që rrjedhin nga pozicioni inferior të një vendi kandidat për në BE, vendi më i varfër në Evropë, dhe një shtet anëtar i BE :
Vendim :
1. të ftojë Greqinë të njohë genocidin e kryer kundër popullsisë Çame në vitin 1944;
2. të ftojë Qeverinë Greke që të shfuqizojë Dekretin Mbretëror 2636 të datës 10 nëntor 1940, i njohur si “gjendje e luftës” midis Greqisë dhe Shqipërisë, e cila do të mundësojë heqjen e sekuestrimin të pronave të të mbijetuarve dhe pasardhësve të të mbijetuarve të genocidit grek mbi Çamët të kryer në vitin 1944;
3. të ftojë Greqinë që të autorizojë të mbijetuarit dhe pasardhësit e të mbijetuarve të genocidit të vitit 1944 për t’u kthyer në tokat e tyre dhe për të gëzuar të njëjtat të drejta si çdo qytetar grek dhe të paktën të gëzojnë të drejtën për të vizituar varret e të vdekurve të tyre nga genocidi i 1944;
4. të ftojë rajonin e Brukselit që të kontribuojë në zgjidhjen e kësaj çështjeje të hapur midis Shqipërisë dhe Greqisë;
5. të ftojë rajonin e Brukselit që të mbështesë iniciativat që mund të inkurajojnë dialogun midis qeverive shqiptare dhe greke me qëllim që të zgjidhjet problemet lidhur me këtë genocid;
6. ta përcjellë këtë rezolutë Kryeministrit të Qeverisë Greke dhe Presidentit të Parlamentit Grek. /tesheshi.com/
